المقادير
- 10 x عدد فص ثوم (مقشرة وكاملة)
- 2 x معلقة صغيرة سكر
- 1 x معلقة صغيرة ملح (أو حسب الرغبة)
- 1 x معلقة كبيرة زيت ذرة
- 1 x عدد عرق فليتو
- 1 x معلقة كبيرة زبدة
- 1 x معلقة صغيرة فلفل اسود مطحون (أو حسب الرغبة)
- 1 x كوب ماء (ساخن)
- ½ x معلقة صغيرة بهارات لحمة
- ¼ x كوب خل
الخطوات
- هنغسل عرق اللحمة بالماء كويس جدا ونشيل منه الدهون بسكين حاد قدر الإمكان وهنجففه بفوط مطبخ كويس.
- بسكين حاد هنعمل فتحات فى عرق اللحم ونغرس فيها فصوص الثوم ونرش على كل الفتحات بهارات وفلفل اسود.
- هنتبل العرق بالملح وباقى التوابل وهنلفه بخيط المطبخ كويس جدا لحد ما قوامه يتماسك.
- هندوب معلقة سكر فى نصف كمية الخل وهنتبل بيهم العرق وهيبات فى التتبيلة ليلة كاملة قبل الطهر مع مراعاة تقليبه فى التتبيلة من حين لآخر.
- فى صينية كبيرة على النار هندوب الزبدة وهنضيف الزيت وهنشوح فيهم العرق من جميع الجوانب لحد ما يتحول للون البنى.
- هندوب معلقة سكر فى باقى كمية الخل وكوب الماء المغلى ونضيفهم على العرق وتغطى الصينية بورق الفويل كويس وتترك على نار هادئة مع تقليب العرق من حين لآخر.
- يترك على النار حوالى ساعتين وبعدها نشوف اذا استوى أو لأ بغرز شوكة فى العرق.. اذا خرج ماء يبقى محتاج سوا وفى الحالة دى ممكن نزود ماء دافئ لو كان الماء نشف ويترك حتى ينضج.
- أما اذا لم يخرج ماء, نتأكد ان العرق اتشرب الماء اللى فى الصينية كله ويرفع من على النار.
- بعد ما العرق يبرد تماما هنقطعه بسكين حاد ويقدم.. بالهنا والشفا
