تغيير شكل عن المعتاد
أصبح من السهل تحضير وصفة بروستد الزهرة اللذيذة من مجموعة وصفات مقبلات و مشهيات بطريقة مبسطة وواضحة، اعديها واخبرينا بالنتيجة!
مقادير بروستد الزهرة
زهرة
بيضة
3 سنن توم
معلقة صغيرة كمون ناعم
شوية ملح
ومعلقة صغيرة بهارات
شوية كركم
ربع كوب ماء
طحين
نشا
زيت للقلي
طريقة تحضير بروستد الزهرة
١. زهرة بتسلقيها نص سلقة وبتصفيها من الماء.
٢. بعدها بتخفقي بيضة وبدقي 3 سنن توم وبتحطي عليها معلقة صغيرة كمون ناعم وشوية ملح ومعلقة صغيرة بهارات وشوية كركم وربع كوب ماء وبتخلطيهون كلهون مع بعضهون منيح.
٣. بتكوني مجهزة صحن في طحين واذا بتحبي بروستد الزهرة الو قرشة حطي مع الطحين شوية نشا انا بصراحة على النظر ساويت لانو مابحط كمية كبيرة طحين من شان مايتلوت كلو وبيصير بكتل اذا صابو شوية سائل من الخلطة.
٤. بتصيري بتغطي الزهرة بالخليط السائل وبعدها بالطحين او الطحين والنشا وبتقلي وصحتين وهنا.
اقتراحات بروستد الزهرة
يؤكل بالخبز وجنبو سلطة خضار
