كروسان بالزبده

مقادير كروسان بالزبده

5 كاسات طحين
30 غ زبده سائله
ملعقه كبيره خميره
4 ملاعق سكر كبار
معلقة صغيره ملح
2 كاس حليب دافي للعجن
250 غ زبده للحشوه
بيضه لدهن الوجه

طريقة تحضير كروسان بالزبده

١. لتحضير الكرواسان، اخلطوا 5 كاسات طحين مع 30 غ زبده سائله ومعلقه كبيره خميره و4 ملاعق سكر كبار ومعلقة صغيره ملح و2 كاس حليب دافي للعجن. ممكن تحتاجوا الكاسين ممكن اقل. شوي شوي وانتو بتحطو المي حتى تمسك معكم العجينه وبتريحوها نص ساعه.

٢. بتفردوا العجينة بشكل مستطيل وبتحط الزبده بالنص.

٣. بتقطعو اصبع الزبده مربعات رفيعه وبتحطوها بنص المستطيل. كمية الزبده اللازمة هي 250 غ.

٤. بتسكرو العجينه منيح من كل الاطراف وبتروقوها شوي حاولو الزبده ما تطلع من العجينه. طبعا الزبده بحرارة الغرفه، بنلفها بكيس نايلون وبنحطها بالفريزر ساعه وبعدين بنطلعها من لفريزر وبتحطيها بالتلاجه ساعه حتى يذوب تلج عنها. الشغل بالعجينه الافضل يكون بارد حتى ما تسوح.

٥. بتقسمو العجينة 4 اقسام بالسكين وكل قسم بترقو على شكل دائره وبتقطعو بالسكين مثلثات وبتلفوها.

٦. بتحطوها بصينية الشوي وبتتركوها 45 دقيقة حتى تتخمر وبعديها بتدهنوها بالبيض وبتخبزوها في الفرن من تحت على درجة حرارة 180 حتى تتحمر كلها

اقتراحات كروسان بالزبده

من وجبات الافطار الشهيه والف صحه