مالك يادنيا .. ايه اللي فيكي اتغير
مالك يادنيا .. طبعك غريب ويحير
كل مره بقول فهمتك بحس اني لسه صغير
مالك يادنيا .. ساعات تبقى واضحه وباينه
مالك يادنيا .. ساعات ببقى شايفك خاينه
خليتيني كتير خاصمتك وبرجع واقول مش هاينه
ساعات بنسى عذابك ليا
واداوي في جرحي واطيب
واعمل قلبي بحور حنيه
واضم بعيد وقريب
ساعات بندم واكره فيا الواد ابو قلب طيب
زمان كنت بصبر نفسي وادوس على قلبي وارضى
رضيت المي وجرحي ويأسي رضيت بدون معارضة
مافيش حلم من اللي في نفسي اتحقق للنهاردة
مالك يادنيا .. ايه اللي فيكي اتغير
مالك يادنيا .. طبعك غريب ويحير
كل مره بقول فهمتك بحس اني لسه صغير
زمان كنت يادنيا بحبب صحبي ما بين اعدائي
وكان جرحي لما بيتبدد في الف طبيب لدائي
الايام دي اللي بيتودد بيختمها بفراقي
الايام دي ساعات بستغرب هيه ازاي متعاشه
ناس للشر بقت تستقرب وناس بتزيد وحاشه
الايام دي يادنيا الاغرب عملت الندل باشا
—
مالك يادنيا .. ايه اللي فيكي اتغير
مالك يادنيا .. طبعك غريب ويحير
كل مره بقول فهمتك بحس اني لسه صغير
زمان وانا دمعك على خدي والامي بتكوي فيا
كنت بقول ايام و تعدي و تروقي يا دنيا ليا
مليون حلم زرعته بيدي وطرح جرح واسيه
مليون ذكرى لمليون واحد جرحني وكان ظالمني
كل ما اسلم قلبي لواحد بيطلع كان واهمني
وصلتيني اني بقيت واحد بجد مش فاهمني
شفت بعيني عيون تتهنى وعيوني تبات بتدمع
واقول ياواد اصبر واستنى واطفي فى نار بتوجع
من اللي انا شايفه بقيت بتمنى
يا ريت الماضي يرجع
كلمات: مصطفى كامل
ألحان: حماده هلال
