ياللي نويت تشغلني
طاوعني و ابعد عني
ان حبيتك يبقى يا ويلك
من حبي
اغير عليك لو اسمك يخطر على بال غير بالي
واخاف عليك لو رسمك لاح في خيال غير خيالي
عايزك تكون لي انا وحدي
ما يكونش قبلي ولا بعدي
وإن جيت في يوم تشغلني
طاوعني و ابعد عني
ان حبيتك يبقى يا ويلك
من حبي
اللي تشوفه عيني لازم تشوفه عينيك
و تحن دايما لي ساعة ما احن اليك
تسعد هواي و القلب ان شكا يوم تداويه
وتعيش معاي في الجو اللي اعيش انا فيه
راح اشغل فكري و بالي عليك
و احبك وافضل اعيش في هواك
لحد ماييجي يوم والاقيك
آمنت بحبي و جيت برضاك
عايزك تحقق ظني
و اعيش معاك متهني
وإن جيت في يوم تشغلني
طاوعني و ابعد عني
ان حبيتك يبقى يا ويلك
من حبي
كلمات: حسين السيد
ألحان: محمد عبدالوهاب
مقام: عجم
تاريخ: 1942
