كوكيز السكر و جوز الهند

مقادير الاكلة

1. *كوب زبده على سمن فى حرارة الغرفة
2. *كوب سكر
3. بيضة وفانيليا
4. 3كوب دقيق -معلقة صغيرة بيكنج بودر – رشه ملح

طريقة عمل فكرة ووصفة : ( كوكيز السكر ) كوكيز السكر : (ممكن اضافة جوز الهند)

1. *نضرب الزبده مع سمن مع السكر لحد مايفتح لونهم
2. *بعد كده نضيف عليهم بيضة وفانيليا ونبدأ الضرب بمعلقة مش لازم المضرب
3. *بعد كده ننزل بالدقيق مخلوط بالبيكنج بودر والملح على الخليط على 3 مراحل وكل ده بنعمله بمعلقة اخر حاجة بنكمل العجن بأيدينا لحد مالعجين تتلم فادينا
4. ونحطها فكيس ونفرها فيه زى ماهو متوضح فالصورة ونحطها على صنيه ونسبها فالتلاجة نصايه كده بعد كده نشكلها بالاشكال اللى عايزنها ولما نيجى نشيل الشكل من الكيس نشيله بضهر المعلقة زى ماهو متوضح فالصورة ونرصه على ورق الخبز ولو معندناش يبقا نعمله فصنيه تيفال بعد كده ندخله الفرن على 180 لحد مايحمر من تحت ونطلعه على الشوايه كام ثانيه مش كتير ونكون واقفين جنبه وانتو طبعا شايفين ان الصنيه فيها 3 الوان دى الدرجات اللى بيوصل ليها البسكوت اغمق لون ده محروق ونطلع البسكوت من الفرن ونسيبه شويه علشان بيكون طرى بعد كده هاينشف ويبقا مقرمش احلى من اللى بتشتريه علشان انتى اللى بتكونى عاملاه
5. * ممكن تقدميه لطفلك مع عصير او لبن ويكون وجبه فطار او عشا او ياخدو معاه المدرسه *طريقة حفظه حطيه فعلبه مقفوله على اى طربيزة او لفيه بورق الزبده