من المطبخ الأردني.. طريقة عمل كيك «اليانسونية»

المقادير:

كوباية واحدة دقيق
3 كوبايات دقيق سميد ناعم
3 معالق كبيرة يانسون حب
معلقة كبيرة يانسون ناعم
معلقة صغيرة حبة البركة
معلقتين كبار سمسم
معلقتين كبار سكر
معلقتين كبار من اللبن البودرة
كوباية واحدة زيت ذرة
نص كوباية من زيت الزيتون
معلقة كبيرة و نص من الخميرة
كوباية و نص مية مغلية
شربات حسب ذوقك و رغبتك

طريقة التحضير:

1- انقعي اليانسون الحب في المية السخنة لمدة ربع ساعة في حلة صغيرة.
2- في حلة تانية، اخلطي مكونات اليانسونية الجافة كلها مع بعضها كويس أوي، و بعدين ضيفلها الزيت عشان تعجينيها.
3- ضيفي المية اللي كان منقوع فيها اليانسون الحب للخليط و اعجني كويس لحد ما تكون العجينة لينة.
4- افردي العجينة في صينية مدهونة بشوية من الزيت، وغطيها وسبيها تخمر لمدة ساعة.
5- قطعي العجينة لقطع زي البسبوسة ودخلي الصينية الفرن على درجة حرارة 180.
6- لما تستوي العجينة، خرجيها من الفرن و حليها بالشربات البارد و بعدين سبيها تبرد كويس و قدميها لعيلتك في أطباق.