البسبوسة بالقشطة من الحلويات السورية المشهورة والتي تقدم غالبا في رمضان وهي مشهورة جدا في شوارع ومحلات الشام بانواعها كافة حيث يوجد منها اكثر من عشرين نوعا لذيذا مختلفا واليوم سنقدم لكم وصفة لذيذة جدا وختلفة وهي البسبوشة مع الفستق الحلبي
المقادير
- 4بيضات
- 1كوب سكر ناعم
- 1كوب سميد وسط
- 1كوب زيت مازولا
- 1علبة قشطة+عيارها ماء (يعني منفضي علبة القشطة ومنعبيها مي)
- 2ملعقة فانيلا
- 1.5ملعقة بيكنغ باودر
- *القشطة(الحشوة للطبقة التانية):
- 2كوب حليب سائل
- 4ملاعق نشاء
- ماء الزهر ملعقة صغيرة
- مستكة(مسكة)
- *خليط الفستق الحلبي
- فستق حلبي مطحون مع ملون غذائي اخضر وقطر سميك
- ..الكميات حسب الرغبة وحجم الصينية ..
طريقة التحضير
- منحط الحليب والنشاء ومنحركهم عالبارد
- بعدين منحطهم على النار ومنحرك حتى يغلي ونحصل على خليط متماسك ولزج
- منطفي النار ومنحط على الخليط ملعقة صغيرة ماء الزهر ومستكة ومنحركهن
- منضيف علبة قشطة ونحركو ومنتركو يبرد عجنب
- منطحن الفستق الحلبي ومنضيف عليه ملون غذائي اخضر لنعزز اللون الاخضر
- منضيف قطر سميك على الفستق الحلبي ومنخلطهم لنحصل على خليط متماسك
- منلفو بنايلون ومنريحو بالبراد ساعة
- بعدين منطالعو من البراد ومنمدو على نايلون والسماكة حسب الرغبة لنستخدمو بطبقات البسبوسة
- #طريقة البسبوسة
- منخفق البيض مع الفانيلا وبعدها السكر ومنحركو ليصير متل لكريما
- منضيفلو الزيت والسميد ومنخلطو 3دقايق وبعدين القشطة والمي منحركهم حتى تذوب القشطة مع باقي المكونات
- منضيف البيكنغ باودر
- مندهن الصينية بشوية طحينة
- منحط بصينية الخبيز نصف كمية الخليط ومندخلو الفرن عالرف الوسط والنار من تحت على درجة حرارة 140 حتى يستوي ومنحمر شوي من فوق
- منمد خليط الفستق الحلبي ومنمد فوقو خليط القشطة المطبوخة وبعدين باقي خليط البسبوسة
- يوضع بالتدريج ويفضل بملعقة سكب الشوربة منشان ما ينخلط مع القشطة
- مندخل الصينية عالفرن والنار بس من فوق وتكون هااادية والصينية بأرضية الفرن حتى تستوي الطبقة اللي فوق منطالع الصينية ومنسقيها بالقطر
- بس تفتر عالبراد لتبرد منيح اقل شي 3ساعات لتتماسك وبعدين منقطعها ومنقدمها
