اللي جرحتني حلفت اني لربيها
وتكون عبره ولا ترجع وتجرحني
وان قاله الله عقب طيبي لوريها
عشان تعرف مكانة قدرها عندي
هي تحسب انها بتجرحني واعديها
واني بسامح جفاها هي تحسبني
بتشوف نجم الظهر داخل لياليها
وتفز لامن دعو اسمي وتزهمني
لا بتغلى عليها وما احاكيها
تطلب رضايه وتحلف ماتغيب عني
اللي ذبحتني وهي تدري بيغليها
ماغيرها كان اسرني ومالكني
قامت تغلى وصارت طالعه فيها
اسلوبها وبصراحه كان يزعجني
جنت على القلب وليته كان يكفيها
باعت غرام قتل حبي وحطمني
هين بسيطه وانا والله لربيها
وتكون عبره عشان ماعاد تجرحني
وتشوف مزعل بعد طيبه يوريها
عشان تعرف مكانة قدرها عندي
كلمات: صالح العبدالله
ألحان: مزعل فرحان
تاريخ: 2011
