كلمات
الأخوين الرحباني
ألحان
الأخوين الرحباني
سوا ربينا سوا مشينا
سوا قضينا ليالينا
معقول الفراق يمحي اسامينا
ونحنا سوا سوا ربينا
انت وانا درنا ع كل البواب
حبّينا وكبرنا بموسم العناب
ونطرنا الجنى بليالي الجنى
وقطفنا الفرح من علالينا
اولك بعد الرفقة و العمر العتيق
نوقع متل ورقة كل من ع طريق
وينسانى السهر بليل السهر
ويسالوا عنا اهالينا
سوا ربينا سوا مشينا
سوا قضينا ليالينا
معقول الفراق يمحي اسامينا
ونحنا سوا سوا ربينا
