مجنونه بيا خلتني اطلع من هدومي
بتغير عليا بتغير عليا بشكل جنوني
بتشك فيا لو ناس معرفهاش يوم بصولي
مع ان هي احلى من كل البنات
افكار غريبه على طول في دماغها وحاسه بيها
ودي المصيبه علشان ده خلاص بقى طبع فيها
ادفع ضريبه علشان مقدرش اعيش غير بيها
ايام كئيبه بتعدي بأفش وبخناق
يا سلام بس يوم لو تعرف ازاي قلبي بيموت فيها
وتطمن اني حبيبها وتعقل تفوق
في حاجات بتحصل من وجهة نظري بجد عاديه
ولما تسأل اجابتي بتبقى كمان طبيعيه
لكن بيوصل لزعيق وخناق وحاجات من ديه
وفي يوم هنكسر اللي انا طول عمري حافظت عليه
اديني صابر بضغط على نفسي وبستحمل
مابقتش قادر وبخاف لتجنن يوم واقتلها
جبت اخر حاجه ممكن حد في يوم يعملها
مابقتش فاكر انا بس بجد غلطت في ايه
يا سلام بس يوم لو تعرف ازاي قلبي بيموت فيها
وتطمن اني حبيبها وتعقل تفوق
تاريخ: 2012
