كلمات شعر قوية
يعتبر الشعر طريقة للتعبير عمّا تحتويه أنفسنا من مشاعر، وقد اخترنا لكم كلمات شعر قوية للشاعر محمد بن فطيس والشاعر حامد زيد والشاعر طلال السعيد التي نرجو أن تنال إعجابكم:
قصيدة محمد بن فطيس
الله يجازي من يسوي سواتك
وبذنوب من سوى سواتك يجازيك
مشيت درب الثقل وتحب ذاتك
ما تدري انه للمهالك يوديك
غرك جمالك يا خسارة حلاتك
ما تدري إن ما غير طبعك يحليك
بتقول زينك يشفع لسياتك
الحسن ماهو عن وفا الحب يعفيك
لو التواضع والوفا من سماتك
بعت الحبايب كلهم دين واشريك
لكن عجزت أغيرك يا جراتك
على الغياب اللي بلا عذر ينجيك
خطاي في توضيح وشي غلاتك
وخطاك في توضيح وشو تغليك
وشلون توصيني وتنسا وصاتك
وتصد عن صوتن تقطع يناديك
ما فاتك التجريح والعذر فاتك
وتبغي الراي الحين ما عاد يمديك
صحيح أحبك بس هاذي جزاتك
بعلمك درس يفيدك ويحييك
تدري وش أبيض من خفوقك عباتك
وتدري وش اللي غرني نظرتي فيك
إقرأ أيضا:عبارات جميلة عن الصداقةأدري بتستغرب تصبر وجاتك
قصيدة من واحد كان يبغيك
وتبغي تناظر وإنت عايش مماتك
شف وحدتك والناس تجلس حواليك
وتبغي تشوف أشجع رجل في حياتك
شفني وأنا راحل على كثر ما غليك
قصيدة حامد زيد
ليه تطعني وأنا ميت بليا
ما كفاك إلي حصلّي قبل ساعة
كن بين همومي وبينك حميّا
جيتكم واحد وجيتوني جماعه
إنت منا والمصايب من هنيا
كلكم ضدي ترى ماهي شجاعة
ما أبشع من جروح طعنات القفيا
غير سكينٍ تصيب به البشاعه
لا تتوب ولا تذوب ولا تريا
جرحها جرح وفظاعتها فظاعة
ترتوي من فيض دمي والتفيا
وصار قلبي مثل أخوها بالرضاعة
وانت ليل لو ضويته مايضيّا
ضعت فيه وشفت نفسي في ضياعة
أتهيا وين ما أشوفه تهيا
وارسي بمرساه وشراعي شراعه
من عرفته والمحيا بالمحيا
وما يروح إلا ذراعي في ذراعه
إن رضيت أرضيه وإن عييت عيا
وإن طلبني قلت له سمع وطاعه
ما عشقت من النجوم إلّا (الثريا)
إقرأ أيضا:أقوال وحكم رائعةوماملكت من الكنوز إلّا القناعة
وإنت وجيوش الموادع والجفيا
كيف أوقف ضدكم وأنتم جماعة
لو بجيكم بالشجاعة والحميا
البلا ان الكثره تغلب الشجاعة
قصيدة طلال السعيد
يا لي زعلت ازعل ولا إني مراضيك
أشرب كثر ماء البحر إن كانه أرضاك
لا تحسبني عقب صدك بداريك
بعز نفسي عنك مدراك مدراك
أربع سنينٍ وانا متحمل تغليك
راضي بتعذيبك لجل قلبٍ أغلاك
وخليتني واليوم والله لأخليك
وأدوس قلبي لينه يقول خلاك
قبل توريني الحساير بوريك
ليمن قالو فلان هانك ووراك
كأنك تحداني فأنا أقبل تحديك
وأنسى الغرام إللي مضى وأتحداك
ماني بقايل لك عسى الله يهنيك
الله يحرمك كل ما كان هناك
عسى العمى يا خاين العهد يعميك
إقرأ أيضا:الضفدع الفائزفوق الغرور إللي على الماضي أعماك
وعسك ما تسمع قريب يناديك
حيثك تجاهل صوت محروم ناداك
وعسى الشلل يعوق رجل تمشّيك
لين تندم ليش غيرة ممشاك
وعسى حياتك بس فرحه لشانيك
يلقى بها الفرصة عدوك ويشناك
وعسى الليال إللي تجيني بطاريك
يصبح عليها الصبح تموت طرياك
وعسى المنام وكل راحة تجافيك
آمين حتى إللي تمناه يجفاك
وعساك ما تفرح وتكثر بلاويك
وأمك تشق الجيب من عظم بلاواك
ولا مت جعلك في جهنم تصاليك
نار الجحيم ونار دنياك تصلاك
الله يكره فيك حتى دوانيك
غشاش خاين من؟ من الناس داناك
هذي النهاية والله يجازيك
امسك ويومك عن هوا الغد يجزاك
