شاتوه قوس قزح
المكونات
- كوب سكر
- كوب لبن
- 2 باكو ايس كريم فانيليا بودرة
- كوب الا ربع زيت
- 1كيس فانيليا
- 2 او 3 بيضات
- كوب وربع دقيق
- كيس بيكنج بودر ورشة ملح
- الوان بودرة اللى متوفر عندك بتشتريها من عند العطار او الوان جيل
طريقة عمل شاتوه قوس قزح
- نضرب اول خمس مكونات كلها في الخلاط لحد مايتقلوا وبعدين نشيل منهم كوب صوص ونحطه فالتلاجة
- ثم يتم اضافه البيض ويضرب مع المكونات ونضيف الخليط فبوله و نقلبه مع الدقيق والبيكنج بودر ورشه الملح في طبق وبعدين نقسم الخليط بالتساوى على اطباق على حسب عدد الالوان اللى عندنا ونحط اللون يادوبك على طرف المعلقة وبعد كده نخلط كل لون مع الخليط بعد كده نجيب صنيه مدورة صغيرة انا استعملت البايركس ونبطنها او نفرش ورق زبده افضل ونصب فيها الخليط بس كل لون نسويه لوحده
- وندخل الصنيه في الفرن ع درجه ١٨٠ لمده 10 دقايق وبعد مانسوى باقى الطبقات نسبها تبرد ونبدأ نجمعها ومابين كل طبقة والتانيه نحط معلقة من الصوص اللى شلناه فالتلاجة او ممكن نستعمل كريم شانتيه نفردها على كل طبقة لغايه اخر طبقة نصب باقى الخليط الصوص عليها بس نسيب حبه صغيرين نخلطهم بكاكاو لحد مايتقلو ونعمل بيهم دواير على وش الكيك بعد كده بخلت السنان نسحب من الدايرة اللى جوة لبرا ومن برا لجوة هايدينا الشكل اللى قدامكوا ويقدم وبالهنا والشيفتشى.
