طريقة عمل بين نارين

بين نارين ع طريقة كفى ابوسير اصل الوصفه نابلسيه مع القليل من التعديلات

وصفة بين نارين الرائعة من المطبخ الفلسطيني بالخطوات الواضحة، حضريها بمطبخك

مقادير بين نارين

2 كيس شعيريه باكستانيه

بيضتين

نص كاسة سكر

نص كاسة زيت قلي

فانيلا

بيكنج ياودر معلقه صغيرة

علبه قشطة

الحشوة:

كاسة ونصف ماء

ست معالق حليب

معلقتين طحين

معلقتين نشا

معلقة ماء زهر

ربع كاسة سكر

3 مربعات من جبنة كيري

طريقة تحضير بين نارين

١. منكسر بكيتين شعيريه باكستانيه.

٢. منحط بالخلاط (بيضتين، نص كاسة سكر، نص كاسة زيت قلي، فانيلا، بيكنج ياودر معلقه صغيرة،علبه قشطة) منسكبهم فوق الشعيريه منخليهم نصف ساعه وكل شوي قلبيهم عشان يتغلغل منيح الخليط بالشعيريه.

٣. الحشوة: كاسة ونصف ماء، ست معالق حليب، معلقتين طحين، معلقتين نشا، معلقة ماء زهر، ربع كاسة سكر. و3 مربعات من جبنة كيري وبس تغلي ويتقل قوامها منحط علبة قيمر انا حطيت بقلبها جبنة موزريلا بدل الكيري.

٤. مندهن البايركس زيت او سمنه ومنحط نصف كمية الشعيريه بالقاع ثم الحشوة ثم النصف الاخر

٥. من دخلها الفرن لتستوي بتاخد وقت تقريبا تلت ساعه بعدين منشويها ومنقطرها قطر خفيف وبتزينها بالفستق الحلبي.

اقتراحات بين نارين

يفضل تقديمها بعد ان تبرد قليلا حتى تخرج كل قطعه متماسكة