طريقة عمل كاتو الكاسترد

مقادير كاتو الكاسترد

4 بيضات
كاسة لبن روب او حليب سائل
رشة ملح صغيري
كاسة سكر
نص كاسة زيت
كاسة كاسترد
كاسة ونص طحين اقل شوي حسب نوع الطحين
بيكنيج بودر 2معلقة صغيرة
بيكربونات الصوديوم اقل من ربع معلقة صغيرة
فانيليا

طريقة تحضير كاتو الكاسترد

١. بالخلاط بحط البيض والفانيليا والسكر والزيت واللبن وبخلطهون 10 دقائق.

٢. بعدها بكون نخلت الطحين والكاستر والبكنيج باودر وبيكربونات الصوديوم بوعاء وبعدها بحط خليط السائل فوق الطحين وبحركون من الاسفل الى الاعلى بالمعلقة ليفوت الهواء لقلبها.

٣. بس يتجانسو منيح بدهن صينية الكاتو بشوية طحينة وبسكب الخليط بالصينية.

٤. انا اخر شي خليت شوية من الخليط حطيت 3 معالق كبار كاكاو بودرة وشفت الخليط جمد شوي فزدت 3 معالق ماء بنفس الملعقة الي عيرت فيا الكاكاو ووزعت خليط الكاكاو على القالب.

٥. بعدها وفوت الفرن على درجة حرارة 200 وخليتو بالفرن شي 40 او 50 دقيقة طبعا حسب نوع الفرن وبعدها طفيت من تحت وشغلت من فوق ليتحمر.

٦. ملاحظة: فيكي تستغني عن الكاكاو برجع على حسب الرغبة.