شعر شعبي عراقي حزين

شعر شعبي عراقي حزين

يتصف الشعر العراقي في الغالب بالشعر الحزين، ولقد أطلقت عليه هذه الصفة لأنه دائماً يشمل الكلمات الحزينة والآهات واللوعة، وربما يكون السبب في ذلك كثرة المآسي التي مر بها الشعب العراقي من كثرة الحروب وظلم الحكام، سواء كان ذلك في الماضي البعيد أو الحاضر القريب، حيث جرت على أرض العراق ويلات عظيمة جعلت الحزن يخيم على هذا النوع من الشعر.

يستعمل الشعر الحزين كثيراً في الأغاني العراقية التي تغنى باللهجة العامية، ويكثر ذلك في المواويل الحزينة التي تتحدث عن فقدان الأهل مثلاً أو عن الغربة أو فراق الأحبة، ولقد تناول هذا النوع من الشعر الحزين قصة مقتل أسباط النبي في كربلاء وقد أثرت هذه القصة كثيراً على هذا الشعر وجعلته حزيناً جداً، فعندما تسمع هذه القصائد لا تتمالك نفسك من الإجهاش من البكاء وهذا هو سر الشعر الشعبي الحزين. هذه بعض الأشعار العراقية الشعبية الحزينة أقدمها بين أيديكم:

شلون أصبر

غيابك حبيبي اشلون اصبر الروح

يا حال اليظل على حالي من تروح

جرحك بالكلب داويته بس ما طاب

وبطاري السفر زيدت قلبي اجروح

ما أنساك لو سافرت عشر اسنين

وشوكت ما ترد باب القلب مفتوح

يمي إنت واحس بيك ابعيد

وأبد ما فكرت يجي يوم مني اتروح

صحيح إني كتلك سوي كلشي اتريد

بس على البعد كلتلك هذا ما مسموح

النفس إنت الاشمه ولو تروح شلون

شلون تريد أعيش إني بلياك

وإني أشتاقلك من إنت موجود

من تبتع اظل لصبح ما انام

وإذا ما تصدك نجوم السما شهود

أموت اني بغيابك لمن تروح

لن حبك بكلبي ماله حدود

يوم التسافر احجز لشخصين

لأن ميم بالمية وياك قلبي ايروح

وشما تبتعد خليه دوم وياك

احس ما يظل بروحي بس مذبوح

شي يبقالي بحياتي وإنت ما موجود

بس هم وأذيه وألم وجروح

رسمك كمت أشوفه من أغمض العيون

ولو يعمن عيوني ما أضنه يروح

ما أريد أحظنك لو صار الوداع

لأن من أهدك تطلع الروح

عشكتك وأدري اتعب ابحبك

رضيت بقسمتي وملهوفه تدريني

أريد اكضي العمر وياك

تدري إنت بغيابك حيل تاذيني

عيني الما تشوفك تنعمي وللدوم

لأن إنت حبيبي فرحة اسنيني

تعال وخل اضمك حيل يهواي

واريد ابكل حنانك انت تحويني

تعال وخل نطفي الفركه والنار

وعلى صدرك أنام الليل خليني

طويناها صفحتك وانتهى الموضوع

فعل ماضي صفيت وخلصت المده

إش تتوقع أبوس اجدامك من تروح

واسحك كبريائي وأطلب النجدة

صح جدمي عثر من شفت طولك لاح

لكن ما نخيتك من طحت عمده

توجيت على جرحي وما طلبت العون

لأن ادري اليطيح اجفوفه لتسنده

صح الكمر اكبر ونجوم ازغار

بس تحله السمة مو بالكمر وحده

وإذا ساكت تره مو لأن ماكو اللسان

مرات الصمت من الحجي أبده

وجف الماي صافح جفك بالحساس

لا تعتب عليه وتنتخي بزنده

من أكتب شعر لا تعتقد بطران

البلابل بالقفص من ظيمه مغردة

ما صدك بعد دمعاتك من أطيح

هم يهمل دمعه العين لورمده

روح بلا وداع وكل أثر ما ريد

إللي كتب عالرمل يعرف قدر كتبه

حرامات التعب للمايجازيك

وحرمات الوفه للطبعة خوان

جرحك بالملح تكدر تداويه

ويزيدك عطش لو جنت عطشان

شما تتعب على العكرب تربية

يلدغك لو جنت لحظه غفلان

تترجه الوفه أي وين تلكيه ؟

وتتأمل تمر من جذع ذبلان

أصبّر الروح

أصبّر الروح بيش وإنت بيه الروح

وإذا تطلع أظلن بس جسد خالي

لكيتك من جنت ما لاكي كل الناس

إنت أول محب وأنت صرت تالي

يلكلك محبة وإنت أحن مخلوق

معقولة الحمامة تصير كتالي

صح ماكو بجمالك أني أدري بهاي

وروجه رقتك ما كظها أي جالي

حرام عليك تزعل وإنت الصوج

أجيك أنا أعتذر وبلا ذنب خالي

تزعل ليش

غالي وكلشي عندي وما اهدك دووم غالي

وهسه حبك جيف صرت غالي

أحسك تختلف عن كل الناس بعيوني أشوفك عالنجم عالي

وأشوفن دمعتك ما جنها تنزل ماي

ذهب تنزل دمعتك تجدح أتلالي

إلك بستان عمري بكل ثمن مزروع

راضي بكلشي منك كلشي يحلالي

أجيك ومن ارد فارغ ارد للغير

وعنب بس على مودك تارس أسلالي

يمك أنسى روحي ومن أكون وياك

وعلى فنجان شفتك تركع أدلالي

الواشي بلا بخت مرني وزعلك

أموت أنا ولا يوم أجرحنك وزعلك

حلو كلك على بعضك وزعلك

بحلاتك فدوة بس أرضى عليه