شعر نبطي غزل
شعر نبطي غزل
يعدّ الشعر النبطي احد الاشعار العربية الملحونة كما انه يعد من اشهر انواع الشعر العربي غير مكتوب باللغة الفصحى كما انه يحتوي على مفردات وتراكيب شعبية دراجة وانتشر هذا النوع من الشعر في شبه الجزيرة العربية أمّا أول من عرف الشعر النبطي في القديم الشاعر “أبو حمزة العامري” أما الآن سنعرض مجموعة من القصائد الغزلية النبطية.
خسارة
أنا من بعد هجرانج أبنوي أهجر إحساسي
أبطوي صفحةٍ في كتاب عمري ما قريتيها
أبخفي طرسي الشاهد على ظلمج وكراسي
أبحرق كل أوراقه ويعْلج ما طفيتيها
كفا يا بنت من حبٍ حبسلي باقي أنفاسي
قسى وأقسى خفوقٍ، خفْقته إنتِ حييتيها
أببعد لو يلوموني في بعدج ربعي وناسي
أببعد خطوةٍ سهلة، وصعب إنج فرضتيها
وبحسب باقي الأيام من عمري وهوجاسي
ترى موتي دنا، وإنتِ خسارة ما حسبتيها
خسارة إني كتبت الحب باسمج وإنحنى راسي
وأنا ما قد حنيت الرأس إلّا للْمسويها
أحبك من هنا لآخر محطات الغلا لهناك
أحبك كثر ما يهوى رضيع الصدر غفواته
أحبك يا بعد كل الحروف وعلّها تفداك
أحبك يا بعد بيت القصيد وكل غاياته
أحبك يا بعد عمرٍ قضى مني على ذكراك
أحبك يا بعد من داج بالدنيا بخطواته
أحبك يا دفى برد السنين إليا غفت بحماك
أحبك يا أمل عمر الوحيد ويا بعد ذاته
أحبك يا بعد قلبٍ نزف كل الغلا لرضاك
أحبك يا بعد كل العيون ونزف دمعاته
أحبك كثر ما تبرى جروحٍ لامست يمناك
أحبك كثر ما يلجا فقير الحال لسكآته
أحبك بس لو تعرف وش اللي بالحشا ينخاك
وربي لو كشفت اللي بقلبي!!مت لرضاته
أنا وشلون ابين لك غلاك ولهفتي للقاك
انا وشلون اعبر لك عن اللي بين طياته
أنا لو قلت لك ببعد وأبرحل وأنتحي وأنساك
لساني!! وأعرفه لا زلّ يا شينه بزلّاته
تعال أرجوك شفني من رحلت وعبرتي تنعاك
تعال وظمني يا حي ذا الطاري وظماته
تعال وداوني، واللي خلقني يالدواء بشفاك
يقولون الجمر طب المريض بحر كياته
تعال وخل عنك الصد والهجران!! ما يزهاك
حلاتك توصل اللي يم دارك زاد جياته
أنا والليالي وابيات القصايد في أمل لقياك
أقول الشعر والليل الحزين يعدّ نجمآته
نعزّي نفسنا ننطر تسابق لهفتك وخطاك
نقول ان الخطى تقصر ولا تسبق للهفاته
أماني عاشت بصدري أغاني داخلي تهواك
تموت ان غبت وان رديت عاش الليل وأبياته
أنا مقدر على بعدك على صدك على فرقاك
يموت بغيبتك قلبٍ نزف لك حر حسراته
دخيل الصبح في وجهك دخيل الليل لا غطّاك
دخيل الرمش لا سيّر على خدك بسجاته
دخيل الجمر والسكردخيل البلسم! الفتّاك
دخيل اللي تثنّى لين عذبني برقصاته
أمانه ترحم اللي شاف منّك صدتك وجفاك
دخيلك تدمح الزله وغلطاته وهفواته
أحبك من هنا لآخر هنا لاخر هنا لهناك
أحبك لعنبو حي الرضيع وحلو غفواته
التجارب
التجارب حبيبي السابقة
علمتني وأنا منها أستفيد
كل دم بعروقي حارقة
مثل ما تحرق النار الجريد
تو تصحا عيون غارقة
بحلم كاذب وتحقيقه بعيد
ما أشحذ الحب ولأني سارقة
مثل كل البشر أعشق وأريد
منك قلبي همومك طارقة
يطرقه مثل طراق الحديد
إنت جرحي وعذابه عاشقة
لين سيلت دمي من الوريد
روح عني ودربي فارقة
يوم غدرك تبين لي أكيد
إنت غيم الصيوف وبارقة
لو يرش الصحاري ما يفيد
يا سخيف الذرعان
يا سخيف الذرعان مأني بمرجوج
رجتني الدنيا غدر وحيله
يا بنت لولا اللي على تاسع الفوج
تركت نجد وعزوتي بالقبيله
لا شك حاديني على نجد هيدوج
مسقي الفيافي لين يدرج مسيله
تركي ليا من الليالي غدن عوج
حمله عتيبه كلها ما تشيله
برسي كما ميناء البواخر على الموج
ومن وين ماصك البحر يرتكي له
مادام تركي حيء ماودي ادوج
وان غاب غبت مع الرجوم الطويله
حبيبي نام ياعمري
حبيبي نام يا عمري على صدري وصارحني
وفض الصمت باحساسك وخل الحب لي يجري
وفضفض لي بعد عمري وعاتبني وفهمني
أنا أطري على بالك كثر ما إنته علي تطري؟
تعال أقرب من أحضاني ترى خدك مواعدني
يبي يلامس شغف روحي ويقطف بوحي من شعري
تعال أنثر هنا ليلك وخل ويلك يولعني
أنا أحبك وأبي قربك ترى مني قضى صبري
أنا نبضك زهر أرضك وأنت؟ إيه تملكني
بنحل خصرك..جمر ثغرك وزود بلونك الخمري
تتوهني تغرقني ومن بردك تدثرني
وتبكي لي وتشكي لي وله قلبك ومن سحري
أبي دموعك مع أنفاسك بصدق الود تحرقني
وأبي عطرك مع سحرك وآهك بالحشا تسري
أبي همسك يبعثرني غلا ولمسك يلملمني
وأبي عيونك من عيوني تذوب من الولع كثري
وأبي عهدك مع وعدك وأبي كلك تسلمني
أبي أيدك تسافر بي وزهر قدك يلحفني
وأهيم بعالمك عاشق جنوني أنت وانت بي تدري
تشوف الجمر بعيوني؟ تشوف الشوق جنني؟
أجل تدري مثل ما أدري بأنك حلمي يا بدري
حبيبي قوم وصارحني عن احساسك وعلّمني
أنا أطري على بالك؟ كثر ؤما أنته علي تطري؟
